Pas asaj humbje 3 me 0 në në “Zeqir Ymeri” përballë Kukësit kampion, krerët e ekipi të Laçit kanë humbur trajnerin Stavri Nica i cili i ka drejtuar disa herë kurbinasit. Pas vetëm tre javësh Nica ka dhënë dorëheqjen si ç’kishte paralajmëruar pas disfatës me Kukësin.
Fitues i një kupe, një superkupe dhe një tjetër kupe nëse mund ta quajmë kështu, atë të mbijetesës. Stavri Nica është njeriu i momenteve më të lavdishme të Laçit të dekadës së fundit, por as ky fakt nuk e ndihmoi që trajneri durrsak të vazhdonte aventurën me skuadrën kurbinase pasi vendin e tij e ka zëne Gentian Mezani. 63-vjeçari është larguar pas vetëm 270 minutave në Kategorinë Superiore të këtij sezoni. Një gjë të tillë ai e paralajmëroi në përfundim të sfidës së Kukësit ku skuadra e tij nuk arriti t’u bënte ballë kampionëve duke regjistruar njëkohësisht edhe humbjen e dytë rresht në kampionat.
Suksesi I javës së parë në “Selman Stermasi” ishte një kujtim I largët në Laç ku merkatoja e verës riktheu pretendimet për një vend në Europë. Nica e mori drejtimin e Laçit gjatë muajit prill ku u rikthye për të disfatën herë dhe pas një faze të fundit pothuajse perfekte, ai arriti ta mbante skuadrën kurbinase në elitën e futbollit shqiptar, duke evituar rënien nga kategoria. Gjithsesi, tashmë stafetën e merr vlonjati Gentian Mezani që ka përpara një rrugë të gjatë dhe të vështirë për të rikthyer bardhezinjtë në pjesën e sipërme të klasifikimit.
