Aty ku dikur ishte një nga bazat kundërajrore të ushtrisë, sot në ish-repartin e Kranesë në Finiq është vendosur qendra rajonale e emergjencave civile. Prej aty do të monitorohet situate e zjarreve, fatkeqësive të tjera natyrore apo dhe ndihma të ndryshme që mund të kërkohet gjatë sezonit turistik
Për t’i shërbyer bashkive Delvinë, Finiq, Konispol e Sarandë aty është vendosur dhe një qendër e lëvizshme operacionale. Prej aty do të koordinohen veprimet. Koordinon të gjithë sistemet ne kohe reale me vendet e tjera, përfshirë parashikime apo fenomene që janë duke ndodhur.
Me pajisjet e duhura në kohë reale mbërrijnë informacionet jo vetëm për territorin shqiptar. Jugu i Shqipërisë konsiderohet si zonë me risk të lartë për zjarre për shkak edhe se në verë ka një rritje të lartë të popullisë. Së bashku me krijimin e qendrës së emergjencave u theksua dhe nevoja për më shumë staf.
