Një 69-vjeçare është plagosur lehtë në këmbë nga fqinji i saj në fshatin Marshejë, Malësi e Madhe.
Ngjarja ka ndodhur mesditën e së premtes, kur gruaja e cila po kalonte në rrugë është goditur me një saçme fisheku arme gjahu aksidentalisht.
Bëhet me dije se ajo ka marrë një plagë të lehtë dhe ndodhet në spital duke marr kujdesin e nevojshëm nga mjekët.
67-vjeçari me iniciale D. R. është shoqëruar në ambientet e Komisariatit, për kryerjen e veprimeve të mëtejshme procedurale.
Arma e gjahut është sekuestruar, ndërsa grupi hetimor vijon hetimet.
