Ndihma ekonomike ka 2 muaj që nuk shkon tek nevojtarët e Lezhës. Shkak është bërë ngërçi i krijuar në Këshillin Bashkiak të Lezhës, i cili ka bllokuar dhe shpërndarjen e ndihmës ekonomike.
Shkon në qinda numri i familjeve që nuk kanë marrë akoma pagesën, për afro dy muajsh, si shkak i mosmbledhjes së këshillit bashkiak për të miratuar buxhetin lidhur me këtë shtresë.
Kjo situatë ka krijuar mjaft probleme për familjet e varfra, të cilët thonë se kjo pagesë është e vetmja e ardhur për ta dhe se në këto kushte po vuajnë për bukën e gojës, shkruan Shqiptarja.com
“Të na heqin dhe asistencën dhe të dalim të flemë jashtë, të sëmurë kemi, me 3 kalamaj, nuk e dimë çfarë të bëjmë më para, nuk ka 1 javë që nxora nga spitali burrin dhe djalin”, tha njëra nga qytetarët.
“Pa bukë jemi, po vdesim për bukë, dal dhe shes luledielli dhe as këto s’na lejon policia t’i shesim, shyqyr që ka gjethe mullage dhe e mbledhin e hamë”, u shpreh një tjetër qytetare.
