Mërgim Mavraj ishte një ndër futbollistët më të mirë në fushë në derbin e zjarrtë të Selanikut, me Aris dhe PAOK-ut. Debutimi i qendërmbrojtësit shqiptar ka qenë i paimagjinueshëm në ligën greke.
Të gjitha mediat greke pas ndeshjes që përfundoi në barazim 1-1, ishte performanca e jashtëzakonshme e Mërgim Mavrajt. Elementi i ri në formacion e Aris ka bërë që të gjithë të shkruajnë për të, por veçanërisht kanë vlerësuar maturinë dhe korrektësinë në lojën e tij.
Gazzetta.gr i ka kushtuar një shkrim të plotë me titull “Nga tradhtar në hero” duke treguar historinë e 32 vjeçarit, sesi refuzojë pritjen për t’u bërë pjesë e ekipit kombëtar gjerman dhe zgjodhi ekipin kuq e zi.
Është përmendur edhe lidhja e tij e ngushtë me fenë madje kanë veçuar kërkesën e Mërgimit për të mos mbajtur reklamën e birrës “Peja” në bluzë. Filantropia elementi më surprizues.
Një tjetër gazetë shkruan “më i miri për në fund”, një futbollist “top class” dhe me një karakter të veçantë. Nuk ishte një ndeshje perfekte, por Mavraj ka marrë vlerësime pozitive për paraqitjen e tij. “Përshtypja e parë është pozitive. Cilësia e 32-vjeçarit nuk vihet në diskutim ndaj trajneri Pako Errera i besoi një fanellë në një ndeshje kaq të rëndësishme”, shkruan portali grek “Sportime”.
“E dukshme ishte se Mavraj është mbrapa pjesës tjetër së skuadrës sa i përket anës fizike, gjë që është e kuptueshme sepse nuk ka bërë fazë përgatitore. Megjithatë, vendimet e tij gjatë ndeshjes ishin korrekte, nuk bëri veprime të panevojshme dhe i duhen dhënë merita se nuk ndërmori shumë iniciativën, meqë e di se nuk është ende gati. Por ai ishte vendimtar në bllokimin e Kareli dhe Prijoviç.
Gjithsesi, ai tregoi se do të bëjë diferencën në qendër të mbrojtjes dhe mund të bëhet pika e referimit të lojës së Arisit në prapavijë”, shkruante portali i njohur grek për mbrojtësin shqiptar.
