Nuk ka pushim për Vincenzo Montellan pas shkarkimit nga klubi i Milanit për rezultatet e dobëta. Tani mund të quhet zyrtare se ai do të marrë në drejtim ekipin e Sevillas në La Liga. Italiani pritet të ketë nënshkruar një kontratë prej 18 muajsh me andaluzianët, që e mban të lidhur atë deri në qershor të 2019-ës.
Vetëm pak javë mbeti pa skuadër 43-vjeçari, i cili u shkarkua nga Milani për rezultate të dobëta. Edhe pse kishte kontratë me kuqezinjtë, gjithçka u zgjidh me marrëveshje për të mos patur probleme për nisjen e një aventure të re. Montella ka përzgjedhur në rolin e bashkëpunëtorit teknik, Enzo Marescan. Ish-trajneri i Milanit pason në këtë detyrë argjentinasin Eduardo Berizzo, i shkarkuar për mungesë rezultatesh.
