Ju kujtohet historia e fiqve të lali Erit? Deklarata e tij bëri bujë para shumë vitesh, por nuk duket si një datë e largët, pasi palët kundërshtare ia kujtojnë me ofezë çdo ditë. Por lali Erit nuk i bëjnë aspak përshtypje, pasi është mësuar ti kapërdijë dhe madje i servir me mjaft sportivitet. Pak muaj më parë, duke folur për emisionin “Wake up” në “Top Channel”, Veliaj ka rrëfyer vendin ku shiste fiq tek Pazari i Ri, kur ishte i ri.
“Unë jam me parimin që askush nuk duhet të ndihet keq që në një moment të jetës ka bërë një punë të ndershme për të jetuar. Shumë njerëz e përflasin me humor këtë histori, por unë them që kushdo i ri që kërkon të eci përpara me punë, pavarësisht vështirësive që mund të ketë në familje, duhet ta bëjë këtë, sepse jetës asnjëherë nuk i dihet”.
Teksa ka fituar imunitet nga sharjet, ai sot mori edhe një emërtesë të re, ku Noka, duke iu mbushur goja plot e cilësoi si Zogun e Tiranës. Pyetja e cila na vjen krejt natyrshëm është nëse Veliaj u nxeh, apo u skuq?! Asgjë nuk ndodhi, sikundër i ka kapërdirë të gjitha sharjet për vite me radhë, duke mos iu dredhur aspak qerpiku.
Noka në Komision e etiketoi Veliajn si “Zogun e Tiranës” dhe tha se ai “nuk ka as cipë, as limit”.
Ndërkohë që Vokshi bënte thirrje për nxjerrjen e tij jashtë, Veliaj ndërhyri duke e thirrur “o Zogu”. Në këtë moment ndërhyri Flamur Noka, duke iu drejtuar Veliajt “Zogu i Tiranës”.
Vokshi: O grupi, pa dalë kryetari i Bashkisë, nuk ka mbledhje. Erdhën kamerat, do fillosh me reklamat tani. Gramoz Ruçi të ndërhyjë urgjentisht.
Veliaj: O zogu
Vokshi: Garda, nxirreni urgjent
Veliaj: Do fitoj dhe betejën e Teatrit
Ndërhyn Noka: O zogu i Tiranës, o zogu…
Ngrihet dhe shkon të nxjerrë Veliajn
Perplasja e frikshme sot dëshmoi se lali Erit nuk i bëjnë përshtypje epitetet e sharjet, dhe i kalon me një gotë ujë.
TIRANA TODAY
