Neymar ishte lojtari i ndeshjes përballë Meksikës, ku shënoi një gol dhe asistoi për Firminon. Por shumë tifozë dhe kundërshtarë e kanë kritikuar atë për stilin e lojës që ai ka ndjekur, duke u rrëzuar e rrokullisur shpesh në fushën e lojës dhe për këtë arsye ai është bërë personazh kryesor i memeve.. Por kur është pyetur nga gazetarët, Neymar është shprehur se nuk aktron aspak dhe se me të vërtetë i vuan ato ndërhyrje. Ndërsa në fund nuk la pa thumbuar Meksikën.
“Situatë e komplikuar, asnjëherë nuk jam rrëzuar dhe nuk i ekzagjeroj. Vuaj me të vërtetë. Pësova një shkelm që ishte shumë i pandershëm, jashtë fushës së lojës. Ata flisnin shumë përpara dhe tani janë nisur për në shtëpi”, ishte thumbimi i Neymar për rivalët e tij.
Por ai gjithashtu kishte shumë respekt për Meksikën dhe këtë e shprehu duke thënë: “Dua të falënderoj të gjithë ekipin. Ka momente në ndeshje që ku duhet të vuash. Janë ndeshje shumë të vështira dhe Meksika është një ekip mjaft i mirë, por ne treguam shumë cilësi.”
