Kohët e fundit është përfolur mbi një rikthim të Neymar tek ish-skuadra e tij, Barcelona. Ky thashethem mori ‘dhenë’ në mediat vendase. Madje, gazetarët e kanë pyetur drejtpërdrejt presidentin e Barcelonës, Bartomeu nëse është i mundshëm një rikthim i Neymar.
Përgjigja e presidentit ka qenë e prerë, teksa tha:
“Nuk pritet të kthehet. Ai u largua vetë. Tani është momenti i Dembélé dhe Coutinho, por edhe i të gjithë ekipit. Unë nuk kam marrë asnjë telefonatë nga njerëzit përreth tij. Neymar vendosi të paguajë klauzolën e përfundimit të kontratës së tij me Barcelonën.”
Braziliani la Barcelonën në vitin 2017. Ai është aktivizuar në 123 ndeshje me Barcelonën, ndërsa ka shënuar 68 gola në 4 vite te katalanasit.
