Neyamr-Barcelona, planifikohet takimi i radhës

Neymar dhe Barcelona do të vazhdojnë të takohen përsëri, por këtë herë në sallën e gjyqit. Ylli brazilian ka vendosur ta hedhë në gjyq ish-klubin e tij pasi nuk ka marrë pjesën e dytë të bonuseve të rinovimit të kontratës, që kap vlerën e 30 milionë euro.

Katalanasit vendosën që ta pezullojnë pjesën e dytë të bonuseve në momentin që mësuar se Neymar do të anulonte kishte për qëllim të transferohej në Paris Saint-Germain verën e kaluar. Kjo pasi ai bonus supozohej që ta mbante brazilianin të lidhur në Ca,p Nou deri në vitin 2021. Drejtuesit e Barçës besonin se vendimi i tij për t’u transferuar në Francë i kishte shkelur kushtet e marrëveshjes.

Tani, Neymar është duke i kërkuar këto para përmes gjykatës, raporton El Mundo, dhe nëse braziliani e fiton betejën ligjore, atëherë totali që Barcelona do ta paguajë për katër vitet e Neymarit në “Camp Nou” do ta tejkalojë shifrën 230 milionë euro. Barcelona, megjithatë, është kundërpërgjigjur me ankesën e saj ndaj Neymarit, në vlerë 75 milionë euro, bazuar në përfitimet e lojtarit nga kontrata e rinovuar, plus dëmet.