Besimtarët myslimanë do të kenë në dispozicion nesër sheshin “Skënderbej” për faljen e Namazit të Fiter Bajramit.
Kështu, 16 mijë m2 në sheshin “Skënderbej” do të jenë në dispozicion për besimtarët meshkuj, ndërsa 3 mijë m2 për zonjat besimtare.
Myftiu i Tiranës dhe kryebashkiaku Veliaj thanë se gjithçka do të jetë gati nesër në orët e para të mëngjesit, ndërsa ky i fundit shtoi se 350 vendet në parkimin nëntokësor do të jenë falas nesër për besimtarët nga ora 05:00-07:00.
Falja e namazit do të nisë në orën 05:30 dhe pas përfundimit të ritualit dhe ligjëratave nga imamët, sheshi “Skendërbej” do t’i kthehet aktivitetit normal.
