Kryeministri i Kosovës, Ramush Haradinaj është mjaft i vendosur për të mos hequr taksën 100% ndaj produkteve serbe, e cila është kritikuar shumë nga ndërkombëtarët.
Madje, Haradinaj shkoi më tej teksa tha se në një intervistë për “Interaktiv” në KTV se ndryshimi i kufijve bëhet vetëm me luftë.
Ai theksoi se nuk do të tërhiqej nga vendimi i tij edhe sikur kjo t’i kushtojë rrëzimin e qeverisë të cilën ai drejton.
“Nëse largohem nga posti i kryeministrit, do ta marr me vete edhe Thaçin dhe Veselin”, ka kërcënuar troç Haradinaj, i cili kundërshton ndryshimin e kufijve.
Haradinaj u shpreh gjithashtu se Kosovën e 17 shkurtit 2008, nuk mund ta zhbëjë askush përfshirë edhe presidentin.
