Shpërthimi në të shara në Instagram i Franck Ribery ka bërë xhiron e botës, pasi është cilësuar e pazakontë që një lojtar i një profili të lartë të përdorte shprehje të tilla publikisht. Sigurisht që kjo do të kishte pasoja për francezin, edhe pse klubi i Bayern Mynih është munduar ta justifikojë disi reagimin e tij.
Një zëdhënës i klubit deklaroi fillimisht se Bajerni nuk ndante mendimet e Ribery që i drejtoheshin sidomos shtypit francez. Por bavarezët gjithashtu sqaruan se lojtari nuk kishte paguar për biftekun e larë në ar që kushtonte 1200 euro, por kishte qenë i ftuar aty nga kuzhinieri me famë ndërkombëtare Nusret Gokçe. Gjithsesi, edhe pse mirëkuptonin lojtarin, nga klubi gjerman kanë bërë të ditur se për të do të ketë masa të rrepta.
No better way to start the year than with a dash of salt and a visit to my Turkish brother 🇹🇷👌🏼 #SaltBae #fr7👑 #ELHAMDOULILLAH🤲🏽♥️ pic.twitter.com/O5ztj4mueq
— Franck Ribéry (@FranckRibery) January 3, 2019
“Franck u fye vazhdimisht. Jo vetëm ai, por edhe bashkëshortja e tij shtatzënë, fëmijët e tij, nëna e tij që ishte operuar në spital. Frenck u përball me familjen e tij, rezistoi për shumë kohë. Edhe ai ka çdo të drejtë të reagojë, unë e mbështes lojtarin gjithashtu”, shpjegoi drejtori sportiv i bavarezëve, Hasan Salihamixhiç.
“Fatkeqësisht, në një pikë ai e teproi plotësisht. Ai ka përdorur fjalë të cilat ne si Bayern Mynih nuk mund t’i pranojmë. Kam folur gjatë me të dhe i thashë që do të merrte një gjobë të rëndë. Ai e pranoi këtë fakt”, tha Salihamixhiç i cili nuk tregoi se sa ishte kjo gjobë model që do të vendosej për futbollistin i cili mes të tjerave shau në postimin e tij edhe me frazën “Ju q*** nënat, gjyshet dhe trungun gjenealogjik”.
TIFOZËT KËRKOJNË LARGIMIN Teksa skuadra ka filluar të enjten përgatitjet në Doha, Riberi nuk është parë në seancën e parë të zhvilluar nën urdhrat e trajnerit Kovaç. Ndërkohë që në rrjetet sociale tifozët kanë “masakruar” me komente ofenduese lojtarin, për të cilin i kërkojnë klubit të Bajernit ta largojë menjëherë nga skuadra.
Tërbohet Ribery, shpërthen në sharje: Nënat, gjyshet dhe trungun…
Ribery krenohet me “vëllain turk” dhe biftekun e larë me flori (Video)
