Kanë mbërritur sot në qarkun e Beratit materialet zgjedhore për zgjedhjet parlamentare të 11 majit, të cilat po shpërndahen nën masa të rrepta sigurie, të shoqëruara nga ushtria dhe forcat e policisë.
Materialet janë nisur drejt 6 KZAZ-ve të qarkut, të ndara sipas bashkive: 2 në bashkinë Berat, dhe nga 1 në bashkitë Kuçovë, Dimal, Poliçan dhe Skrapar. Shpërndarja e tyre po bëhet në të gjitha 5 bashkitë e qarkut, me qëllim përgatitjen për ditën e votimit.
Forcat e Policisë së Drejtorisë Vendore të Policisë Berat do të jenë në gatishmëri të plotë për të garantuar ruajtjen dhe sigurinë e materialeve, deri në momentin kur ato të shpërndahen në të gjitha qendrat e votimit të qarkut.
