Massimiliano Allegri do të lërë Juventusin në fund të sezonit, sido që të shkojë. Pas katër vitesh të suksesshme në stolin bardhezi, cikli i tij konsiderohet i përfunduar. Ky është lajmi i fundit i publikuar nga media spanjolle “Mundo Deportivo”.
Premier League ose Real Madrid janë destinacionet e mundshme për trajnerin italian. Klubi i Juventusit është i përgatitur për këtë lëvizje pas largimit të Marotës.
Kush e zëvendëson Allegri? Zidane është ëndrra e Juventusit, që kërkon të kthejë në stol tani lojtarin simbol të viteve më parë. Ardhja e trajnerit francez sigurisht që ka edhe miratimin e Cristiano Ronaldos, yllit portugez që la Realin për bardhezinjtë në verë. Me Zidane ai ka fituar tre Champions League radhazi.
