Me rritjen rreth 80% të numrit të papunësisë, është zvogluar edhe numri i puntorëve, të cilët për një pagë më të mirë po mësyjnë drejt Evropës.
Kohët e fundit, në Preshevë është zvogëluar në minimum edhe numri i punëtorëve të krahut, aq sa sot është vështirë të gjesh një punëtorë për të kryer shërbime rreth ndonjë pune ditore shtëpiake.
“Ka disa ditë që po kërkoj një puntorë për të kryer disa punë të vogla në shtëpi, por s’ka shans ta gjej një”, ankohet një preshevar për presheva.com.
“Më referuan tek një rom, po kur shkova atje, ai më tha se mund të vij pas 10-15 ditësh, kur të mbarojë listën e gjatë të shtëpive ku ka për të shkuar për punë”.
Edhe një tjetër preshevar që i është dashur të hap një kanal për ujësjellës nuk ka mundur të gjej një puntorë.
Pagesa mesatare ditore për puntorët e krahut sillet tek 15 euro.
Shumica e të rinjve, që kanë punuar më herët apo nuk punojnë zakonisht, kërkojnë punë në Gjermani ose Zvicër, tek ndonjë i afërm.
“Më mirë të punoj atje 1 muaj që më paguhet 1000 franga se sa të punoj unë këtu për 10 euro” ka thënë një preshevar që tashmë ka ardhë në “pushim” disa mujor për të ikur prap në Zvicër.
“Kam punuar ka pak, disa orë në ditë tek një i afërm i imi. Nuk janë edhe shumë, po më shumë se sa kam punuar unë në Preshevë” ka përfunduar ai.
Shumica e puntorëve janë të inkuadruar në disa kompani vendore që merren me ndërtimtari si në ndërtimin e shtëpive ashtu edhe në lyerjen dhe fasadim.
Njëri kujton dikur sa ka qenë fuqia e madhe punëtore në Preshevë.
“Para shumë vitesh, kush e mba në mend, aty ku i thojmë ne tek – centrala në Preshevë, çdo mëngjes ke hasur një numër të madh të atyre që kërkonin punë. Me të ndalur makinën, aty tu janë grumbulluar me dhjetra persona për të ofruar shërbime pune ditore, si hapje kanalesh, shpime pusesh, prerje dhe çarje drunjësh” thotë një më i moshuar që tashmë ka kaluar të 60-tat.
Sot në Preshevë është vështirë ta gjesh një puntorë, sado që të ketë kërkesa të mëdha për puntorë të tillë e me çfardo pagese ta kryesh./presheva.com
