Eros Grezda është lojtari më i ri i Glasgow Rangers, por duket se është ndër të preferuarit e Steven Gerrard. Ish-legjenda e Liverpoolit ka preferuar që në konferencën për shty në prag të ndeshjes së radhës me Dunden ka preferuar që të jetë në krah pikërisht sulmuesin e kombëtares shqiptare.
Numri një i stolit, krahas diskutimit për ndeshjen, vlerësoi maksimalisht Grezdën, duke e etiketuar si një futbollist të jashtëzakonshëm. Madje ai e la të hapur mundësinë e aktivizimit të tij, edhe pse 23-vjeçari nuk është në formën e tij më të mire.
“Grezda është një lojtarë i shkëlqyer, shumë i aftë dhe që mund t’i shërbejë shumë skuadrës. Ka kaluar një operacion të vështirë. Momentalisht, ai është në 70-80% të formës, kështu që ai do të jetë i gatshëm dhe mund të përfshihet në ndeshjen e nesërme. Ka bërë progres kohët e fundit. Është një lojtar premtues, që do të bëjë për vete tifozët. Gjithsesi nuk dua të rrezikoj, ndaj le të shohim.”
Entuziast për aventurën e tij të re u shfaq edhe Grezda, duke deklaruar se, nëse trajneri do të vendosë ta aktivizojë në ndeshjen kundër Dundes, ai është gati për të dhënë më të mirën e tij.
“Po bëhen dy javë që jam këtu dhe jam shumë i lumtur. I gjithë stafi është shumë profesionist dhe unë po punoj shumë mirë me ta. Kur erdha këtu fillova të bisedoja dhe t’i pyesja për të mësuar gjithçka, sepse është një diferencë e madhe për mua të vij nga futbolli europian në futbollin britanik. Shokët e skuadrës më kanë ndihmuar në ditët e para. Nuk jam akoma gati, por po punoj shumë për t’u rikthyer. Stafi vendos, por nëse do të luaj nesër, do të jap maksimumin tim dhe do bëj detyrën time.”
