Mediat amerikane kanë raportuar se “gangster i Bostonit”, James “Whitey” Bulger, është ekzekutuar në një nga burgjet e sigurisë maksimale në Virxhinian Perëndimore.
Ai u gjet i vdekur në qelinë e burgut, edhe pse siguria është në nivele shumë të larta. Ende nuk dihen rrethanat e vrasjes së 89-vjeçarit. Emri i tij ishte një problem i madh për komunitetin dhe shoqërinë amerikane. Arrestimi i tij ekzekutua 16 vite pasi ishte shpallur në kërkim nga drejtësia amerikane, konkretisht në vitin 2011 në shtetin e Kalifornisë.
Bulger, i cili u dënua në vitin 2013 për 11 vrasje, frymëzoi disa filma bazuar në jetën e tij të errët. Ai u kap në Kaliforni në vitin 2011 pas një 16 vitesh në kërkim. Një milionë dollarë ishte shpërblimi i vendosur nga FBI për atë që jepte informacion për 89-vjeçarin, teksa ishte në qeli.
“Gangsteri” ishte kapoja i bandës “Winter Hill” në Bostonin jugor, ndërsa historia dhe veprimet e tij frymëzuan disa filma si: “Black Mass” me Johnny Depp dhe The “Departed”, i cili fitoi çmimin “Academy Award” 12 vite më parë. Vdekja e tij vjen në të njëjtën ditë kur ai u transferua në burgun Hazelton në Virxhinian Perëndimore, aty ku vuajnë dënimin rreth 1,385 të burgosur.
Detajet e vdekjes ende nuk janë bërë publike, por një zyrtar duke folur për CBS ka konfirmuar se ka ndodhur një vrasje në mëngjesin e ditës së sotme. “Kjo është vrasja e tretë në shtatë muaj në burgun tonë”, tha Richard Heldreth në një intervistë telefonike.
Imazhi prej humanisti
James Bulger, i është afruar shumë njerëzve me ndihma humanitare, duke mos e ditur se kush ishte në të vërtetë. Për vite të tëra, imazhi i tij ishte ai prej të forti, por ai ishte gjithashtu i famshëm pasi u blinte shumë familjeve gjelin e detit për festën e falënderimit dhe ilaçe mjekësore në raste nevoje. Por më vonë reputacioni i tij prej bosi me fytyrë humane u rrënua kur filluan të zbuloheshin kufomat e viktimave të tij.
