Rreth orës 03:30 të mëngjesit është bërë e mundur shuarja e një zjarri të fuqishëm dhe të rrezikshëm që përfshiu një sipërfaqe të konsiderueshme në zonën e Ksamilit. Për shkak të mungesës së infrastrukturës rrugore në terrenin ku ra zjarri, ndërhyrja me mjete zjarrfikëse ka qenë e pamundur, duke detyruar forcat në terren të punojnë në mënyrë manuale për shuarjen e flakëve.
Përveç shërbimit zjarrfikës, në operacion janë përfshirë edhe banorët e zonës, shërbimet e policisë si dhe administrata e Bashkisë Sarandë, të cilët kanë bashkëpunuar për të ndaluar përhapjen e mëtejshme të zjarrit. Fatmirësisht nuk raportohet për viktima në njerëz, por dëmet materiale janë ende në vlerësim.
