Historiani Olsi Jazexhi, i ftuar në “360 Gradë” në “Ora News”, tha se vitin që vjen Kosova do të ndahet. Sipas tij, Presidenti i Kosovës, Hashim Thaçi, nën diktatin e amerikanëve, do detyrohet që të bëjë marrëveshje me Serbinë.
“Në këtë moment që po flasim, Hashim Thaçi nën diktatin e amerikanëve, po detyrohet të bëjë marrëveshje me Serbinë. Për mua, në 2019-n, do të kemi ndarjen e Kosovës.
John Bolton dhe Trump po u bën presion udhëheqësve kosovarë, që të pranojnë marrëveshjen me Serbinë, dhe t’u japë komunat serbe përfshirë edhe Mitrovicën Veriore.
2018-ta ka parë një vit që po tërhiqet. Amerika po humbet një luftë 17 vjeçare në Afganistan. Trump nuk e ka më prioritet ekspansionizmin amerikan nëpër botë, dhe për rrjedhojë edhe çështjen shqiptare. Ne do të kemi një rënie të interesit amerikan për shqiptarët. Amerikanët nuk po sjellin ambasador në Shqipëri. Kjo tregon se ata kanë humbur interesin”, përfundoi ai.
