Kryeministri Edi Rama ka bërë deklarata të forta teksa ka kritikuar sot publikisht Serbinë dhe Bashkimin Evropian, lidhur me qëndrimin e tyre ndaj Kosovës.
Megjithatë, pasi mbaroi fjalimin e tij, Rama u pyet edhe lidhur me qëndrimin e tij për mundësinë dhe diskutimet për shkëmbim territoresh mes Serbisë dhe Kosovës.
Rama tha se nuk duhet përjashtuar edhe kjo mundësi, ndërsa sipas tij gjithçka duhet parë me sytë e të ardhmes. Kryeministri Rama tha se kush e quan presidentin e Kosovës tradhtar për idenë e tij të shkëmbimit të territoreve është gomar:
“Të shohim të ardhmen në mënyrë të qartë. Sot duhet të ndajmë shapin nga sheqeri. Për mua asgjë nuk duhet përjashtuar dhe gjithçka duhet parë me sytë e të ardhmes dhe me një sy të vetëm: Shqiptarët nuk duhet jenë të ndarë. Ata duhen të bashkohen si një komb me dy shtete që dëshirojnë të jetojnë pa kufij mes njëri- tjetrit. Hashim Thaçi është presidenti i Kosovës dhe komandanti i Ushtrisë së Kosovës. Kush thotë se Thaçi është tradhtar është një gomar”.
