Kuvendi i Shqipërisë do të mblidhet këtë të hënë për të miratuar dekretet e presidentit Bajram Begaj, për emërimin e ministrave të rinj. Këta të fundit u propozuan pak ditë më parë nga kryeministri Edi Rama në Asamblenë Kombëtare të Partisë Socialiste.
Mësohet se seanca e sotme do të zhvillohet në orën 14:00 dhe pas miratimit në Kuvend, ministrat e rinj do të betohen tek presidenti Begaj.
Emrat e ministrave të rinj dhe të atyre që largohen:
Ministër i Financave dhe Ekonomisë – Emërohet Ervin Mete; largohet Delina Ibrahimaj
Ministër Shteti për Sipërmarrjen dhe Klimën e Biznesit – Emërohet Delina Ibrahimaj; largohet Edona Bilali
Ministre e Shëndetit dhe Mirëqenies Sociale – Emërohet Albana Koçiu; largohet Ogerta Manastirliu
Ministër i Arsimit dhe Sporti – Emërohet Ogerta Manastirliu; largohet Evis Kushi
Ministër për Europën dhe Punët e Jashtme – Emërohet Igli Hasani; largohet Olta Xhaçka
Ministër i Bujqësisë dhe Zhvillimit – Emërohet Anila Denaj; largohet Frida Krifca
Ministër i Pushtetit Vendor (Ministri e re): Emërohet Arbjan Mazniku
Ministria e Shtetit për Standardet dhe Shërbimet (Shkrihet) – largohet Milva Ekonomi.
