Jeta romantike e Mbretit Charles III është e pazakontë për një monark, pasi ka bërë tituj të panumërt në lajme. Fillimisht për martesën me Dianën e Uellsit dhe më pas me historinë e tij të dashurisë me Camilla Parker Bowles dhe së fundmi është “shfaqur” me Jennifer Tilly.
Në fakt, historia mes Charles dhe Camilla, të cilët u martuan në vitin 2005, ka qenë në qendër të vëmendjes së shtypit për disa arsye në vitet e fundit dhe tani aktorja e ‘Bullets over Broadway’ pretendon se ai u përpoq të flirtonte me të 20 vjet më parë.
Aktorja 65-vjeçare konfirmoi se pati një takim me Mbretin Charles III rreth 20 vjet më parë, kur ai ishte ende Princi i Uellsit. Aktorja tha, gjatë paraqitjes së saj në ‘Watch What Happens Live’ me Andy Cohen, se të dy kaluan një kohë të këndshme dhe argëtuese në të cilën ajo mund të ndjente se monarku ishte vërtet i interesuar për të.
“E bëra të qeshte sepse i thashë se isha si Barbra Streisand për të. Ti e di kur dikush të pëlqen,” tha Tilly. “Më tha se i vinte keq, se nuk kishte parë asnjë nga filmat e mi sepse ishte shumë i zënë.”
“Ai më pëlqente, kush e di, ndoshta unë mund të kisha qenë Camilla e radhës.”
