Pas 12 vitesh është ekzekutuar, për herë të parë, një i burgosur në Arkansas të Shteteve të Bashkuara të Amerikës.
Ekzekutimi i fundit në Arkansas kishte ndodhur në vitin 2005. Ledall Lee u ekzekutua me injeksion vdekjeprurës, në orën 12:44, me orën lokale, dhe u deklarua i vdekur 12 minuta më vonë.
Sipas Departamentit Korrektues të Arkansasit, Lee kërkoi Kungimin e Shenjtë para këtij akti dhe nuk pranoi të bëjë një deklaratë përfundimtare.
Ai u dënua në vitin 1995, për vrasjen e Debra Reese, 26 vjeçare, e cila u gjet e vdekur në shtëpinë e saj në Jacksonville, Arkansas. Viktima ishte rrahur me një shkop të vogël prej druri, që burri i saj ia kishte dhënë për mbrojtje, ndërsa disa nga fqinjët e Reese e panë Lee në oborrin e shtëpisë së saj dhe e kishin identifikuar më pas atë në polici.
