Nis procesi i numërimit të votave në primaret e PD-së,
Pas përfundimit të zgjedhjeve në primaret e Partisë Demokratike për kandidatët për deputetë më 11 maj, ka nisur procesi i numërimit të votave. Numërimi ka startuar në selinë e PD-së në Tiranë, ndërsa njëkohësisht ka filluar edhe në Sarandë për degët Konispol, Sarandë, Finiq dhe Delvinë.
Procesi është shoqëruar me parregullsi në kutinë e votimit të Konispolit, ku janë gjetur 20 fletë votimi më shumë se numri i personave që kishin firmosur në listë. Konkretisht, nga 176 votues të regjistruar, në kuti janë gjetur 196 fletë votimi. Ende nuk është marrë një vendim për mënyrën se si do të procedohet me këtë kuti.
Kutitë e votimit të qarkut të Durrësit janë transportuar drejt Tiranës, ku do të numërohen në selinë qendrore të PD-së.
