Kombëtarja shqiptare pas pak orësh do të përballet në stadiumin “Hamden Park” me Skocinë, në ndeshjen e vlefshme për Ligën e Kombeve, që mundëson një biletë për Europianin 2020. Në një sfidë kaq delikate nuk mund të mungonin edhe tifozët kuqezi në mbështetje të kombëtares.
Edhe pse jo të shumë të numër, tifo-grupi më i organizuar i Shqipërisë “Tifozat Kuq e Zi” kanë mbërritur në Glasgow. Ata kanë ndezur atmosferën dhe kanë tërhequr vëmendjen e vendasve me kostumet popullore që mbajnë veshur dhe me këngët e vallet e traditës shqiptare, po ashtu nuk mungon edhe daullja që i jep ritëm festës.
Ndeshja Skoci-Shqipëri nis në orën 20:45 dhe kuqezinjtë vijnë në këtë sfidë pasi kanë grumbulluar 3 pikë në ndeshjen e zhvilluar në Elbasan përballë Izraelit
