Më 6 tetor në UFC 229, e cila do të zhvillohet në T-Mobile Arena, në Las Vegas, do të zhvillohet edhe përballja e madhe mes dy kampionëve të botës në peshën e lehtë Conor McGregor dhe Khabib Nurmagomedov. Ashtu si pritej sfida mes tyre ka filluar tashmë, duke nxitur dhe fyer njëri-tjetrin me anë të deklaratave në media. Ka qenë irlandezi që e ka filluar i pari me anë të një postimi në faqen zyrtare të tijën në “Instagram” ku shkruan:
“Abdulmanap Nurmagomedov, unë të shoh ty. Një frikacak pas një respekti të rremë. Njësoj si dhe djali yt i mesëm. Një frikacak i tredhur”. Ai ka përdorur një gjuhë mjaft të ashpër në drejtim të babaikt të luftëtarit rus. Abdulmanap Nurmagomedov nuk është vetëm babai i Khabib por edhe trajneri i tij, një nga njerëzit më të respektuar në rusi dhe që pritet të jetë në Las Vegas në këtë event.
Para se të nxirrte këtë koment, McGregor pat deklaruar po përmes rrjeteve sociale se respektonte dhe vlerësonte një tjetër sportist rus. “Kam një respekt të madh për ushtarin Vainakh, respekt reciprok”, duke shprehur mbështetjen e tij për sportin rus dhe dashurinë për Rusinë.
