Skuadra e Skënderbeut mbërriti mbrëmë në aeroportin e Rinasit, pas barazimit me shumë vlerë që mori në Kazakistan ndaj Kairat Almaty.
Pavarësisht këtij barazimi trajneri Ilir Daja qëndron me ‘‘këmbë në tokë’’. Ai theksoi se ekipi zhvilloi një ndeshje shumë të mirë ndërsa shton se edhe fitorja nuk do të ishte një rezultat surprizë nëse analizohet mënyra se si skuadra luajti në fushën e blertë.
Daja shpjegon se ndeshja e kthimit në Korçë do të jetë një tjetër histori. Ai premton të njëjtin ekip të ekuilibruar në fushën e blertë, por shprehet me diplomaci se kualifikimi është ende një çështje që duhet zgjidhur.
Rastet e shumta të krijuara në Kazakistan nuk u finalizuan dhe kjo është keqardhje e vetme e trajnerit kryeqytetas që e pranon se ekipi ka nevojë për një qendërsulmues që të sigurojë gola. Në të njëjtën linjë qëndron edhe Orges Shehi, i cili e pranon se ekipi zhvilloi një lojë të mirë kjo edhe falë eksperiencës së fituar gjatë edicioneve të shkuara në Evropë, por shton se 90 minutëshi i dytë do të jetë vendimtar.
https://www.facebook.com/tiranatodaysport/videos/1587169181317469/
