Në ndeshjen e kualifikimit për Champions League, kundër Real Madrid-it, Bayern-i e ka ndjerë dukshëm mungesën e qendërmbrojtësit Mats Humels dhe sulmuesit kryesor, Robert Levandovski.
Ky i fundit do të jetë në fushë nesër, por Karlo Ançeloti nuk është i qetë, sepse në mbrojtje ka shumë probleme.
Gjithashtu, qendërmbrojtësi Zherom Boateng është i dëmtuar dhe nuk është vendosur ende nëse do të luajë.
Megjithatë, presidenti Karl-Hainc Rumenige, në një deklaratë për shtyp, është munduar të qetësojë tifozët një ditë para ndeshjes: “Do të kryhet një provë sot. Gjithçka shkoi mirë në stërvitjen e djeshme, edhe me Boatengun, ndërsa Levandovski u stërvit me skuadrën. Duhet të presim, por nuk jemi aq pesimistë”.
