Spanja është përfshirë nga kaosi sot, duke detyruar qeverinë të thërrasë një mbledhje të jashtëzakonshme. Vetëm dy ditë përpara ndeshjes së rëndësishme Barcelonë-Inter në Ligën e Kampioneve, vendi iberik ka pësuar një ndërprerje masive të energjisë elektrike.
Rreth orës 12:30, qytetarët u paralajmëruan të shmangnin udhëtimet. Situata ka shkaktuar shqetësim edhe në Itali, pasi Interi i Simone Inzagit është planifikuar të udhëtojë drejt Spanjës nesër në mesditë.
Në media po përflitet gjithashtu për një sulm të mundshëm kibernetik ndaj infrastrukturës së Spanjës, pasi jo vetëm energjia, por edhe semaforët dhe interneti janë prekur nga problemet.
Kujtojmë se ndeshja Barcelona-Inter, e vlefshme për gjysmëfinalen e Ligës së Kampioneve, do të luhet të mërkurën në orën 21:00 në Spanjë.
