Një humbje të madhe për humorin dhe artin shqiptar. Kështu e ka cilësuar Ilir Meta ndarjen nga jeta të aktorit Zef Deda.
Kreu i Partisë së Lirisë, i ka shprehur ngushëllimet familjes ndërsa ka shkruar krahë një fotoje të aktorit se kujtimi i tij do të mbetet i përjetshëm në zemrat e të gjithë shqiptarëve.
“Një humbje e madhe për humorin dhe artin shqiptar ndarja nga jeta e aktorit shumë të dashur për publikun, Zef Deda. I shpreh ngushëllimet e mia të përzemërta familjes Deda. Kujtimi i Zef Dedës do të mbetet i përjetshëm në zemrat e të gjithë shqiptarëve,” – shkruan Meta në faqen e tij zyrtare në Facebook.
Zef Deda, një nga komedianët më të njohur shqiptar, i cilësuar edhe si Charlie Chaplin i Shqipërisë është ndarë nga jeta në moshën 73-vjeçare.
