Si çdo të enjte salla e Kuvendit është kthyer në një arenë debati dhe akuzash mes opozitës dhe mazhorancës.
E fortë ishte përplasja mes ministrit Taulant Balla dhe kreut të PD, Sali Berisha, pasi ky i fundit kërkoi që në Kuvend të votohej projektrezoluta kudnër krimeve serbe në Kosovë.
Por për ministrin Balla mazhoranca e ka treguar ën çdo moment se është në krah të Kosovës, ndryshe nga opozita që në 2011 votuan draftin e propozua nga Rusia.
Ndërsa një tjetër amshtrim sipa Ballës ishte dhe dekalrata e Berishës se në Shqipëri ëhstë dnaluar kënga për Adem Jasharin.
Pjesë nga debati:
Berisha: Ndërprisni menjëherë punimet, sillni rezolutën për denoncimin e krimit Serb në Kosovë, se përndryshe ulja juaj në parlamentin e Kosovës është si më e largët si përfaqësues të Shqipërisë, dhe më e afërt si përfaqësues të Serbisë. Votoni sonte rezolutën në mënyrë që të shkoni nesër si përfaqësues të shqiptarëve dhe jo si ata që nuk njihni krimet e shëmtuara. Në librat e genocidit ato janë të përshkruara si krimet më të padëgjuara në histori. Sillni rezolutën ta votoni, të votoni një ndjesë publike për saksionet që i vutë Kosovës. Votoni ndjesë publike për ndalimin që i bëtë himnit për Adem Jasharin, dhe u fshehët pastaj se e zëvëndësuat me një këngë shumë të bukur, por ajo nuk zëvendësohej. Shkurte Fejzën e ftuat dhe nuk e latë të këndojë.
Balla: Sa i përket genocidit dhe çdo lloj forme krimi ndaj vëllezërve tanë të Kosovës, kemi denoncuar dhe kemi bërë gjithçka për shqiptarët e Kosovës. Kemi mbëhstetur në vitin 2007-2008, dhe po ashtu kemi mbëhstetur edhe kur ishim në opozitë vendimarrjes së këtij Kuvendi edhe ngritjes së Gjykata ndërkombëtare për krimet në Kosovë. Në 25 Janar 2011 kanë qenë përfaqësuesit e PD në këshillin e Europës që bashkuan votat me propozimin e Rusisë për atë që pasoi që ishte një përpjekje e poshtër për të hedhur baltë mbi luftën Çlirimtare. E dini shumë që përfaqësuesi i PS dhe zoti Idrizi votuan kundër dhe tre votat e PD shkuan për draftin e Kosacierv, i cili sot është zv.Kryetar i Sigurisë Kombëtare të Rusisë. Nuk është rastësi që ju hsitorikisht nuk kemi qenë në krahun e duhur të historisë. Nesër është mbledhja e dy Kuvendeve. Nuk është rastësi që mbledhjet e përbashkëta Shqipëri-Kosovë u zhvilluan vetëm pas 2013-ës. Prandaj populli shqiptar e di mirë se çfarë kontriburi ka PS gjatë viteve 98-99, dhe çfarë kontibuti kanë ata që kur udhëheqësit e shqipërisë shkonin në Rambuje, dikush udhëhiqte protesta këtu. E dinë të gjithë se kush i thoshtë Hashim Thacit antishqiptar. Një gjë është e sigurtë, Adem Jasharin e arrestuat ju. Dhe sa për këngën që ju thoni që është hequr, është një tjetër gënjeshtër.
Berisha: Arrestimi i Adem Jasharit është një trillim serbo-shqiptar i turpshëm. Nuk ka ndodhur kurrë në territorin e Shqipërisë. Ai është stërvitur në Shqipëri. Ai nuk është arrestuar asnjëherë. Ata që e hapën këtë shpifje e morën në Beograd dhe e sollën në Tiranë, kjo është e vërteta.
