Legjenda e komedisë, Jerry Lewis është ndarë nga jeta në moshën 91-vjeçare.
Lajmin e konfirmoi familja e komedianit, e cila u shpreh se Lewis vdiq nga shkaqe natyrore në shtëpinë e tij në Las Vegas.
Jerry Lewis fitoi sukses të jashtëzakonshëm gjatë bashkëpunimit me Dean Martin, me të cilin realizoi 16 filma.
Ai u bë një nga aktorët më të paguar në Hollivud me hite si “The Bell Boy”, “Cinderfella” dhe “The Nutty Professor”.
Një sukses të madh pati edhe “The King of Comedy” në 1983, në të cilin ai luante rolin e një drejtuesi emisioni mbështetur nga Robert de Niro.
Ndarja e tij nga jeta ka shkaktuar reagime të shumta nga aktorë të famshëm. I tillë është Jim Carrey, i cili tha: “Ai budalla nuk ishte i mangët. Jerry Lewis ishte një gjeni i madh, një bekim, një yll absolut i komedisë. Unë jam sepse ai ishte”.
