Sot 40 vjeçarja Maryam Mirzakhnai është ndarë nga jeta për shkak të një tumori në gjoks. Ajo ishte gruaja e parë që u vlerësuar me medaljen Fields, çmimi prestigjioz që i jepet matematikanëve nën 40 vjeç, në moshën 37 vjeçare.
Ajo shënoi një rekord në histori, si gruaja e parë dhe iraniania e parë që merrte një çmim që konsiderohet ‘Nobel’ në matematike.
“Është shuar një dritë, një gjeni, por edhe një nënë, një vajzë dhe një bashkëshorte,” i ka dhënë lamtumirën miku i saj Firouz Naderi, shkencëtar i Nasa, duke komentuar lajmin në Instagram.
Maryam Mirzakhnai ka lindur në Teheran në 1977. Historia e Mirzakhani është një përzierje e përkushtimit, zgjuarsisë dhe fatit të mirë. Ka qenë pikërisht ajo, që disa kohë më parë ka treguar për historinë e saj për the Guardian dhe fatin që mbaroi shkollën fillore pikërisht në fund të luftës Iran dhe Irak.
Kur ishte e vogël donte letërsinë, thoshte se lexonte çdo roman që gjente, një pasion të cilin nuk e braktisi asnjëherë, edhe pse më pas kanë qenë numrat, jo shkronjat, të cilat shënuar gjurmë në jetën e saj. Pasioni për shkencën duket se ju ‘injektuar’ nga vëllai i saj më i madh që i tregonte çdo ditë të rejat qe mësonte në shkollë për shkencën ekzakte.
Ajo që shënoi të ardhmen e Mirzakhani në matematikë ishte pikërisht viti i fundit në shkollë të mesme, kur në moshën 17 vjeçare ajo fitoi medaljen e artë në Olimpiadën ndërkombëtare të matematikës në Hong Kong dhe që nga ajo ditë vazhdoi rritja e saj në karrierë.
