NBA ka dhuruar spektakël edhe në përballjet e kësaj jave. Cleveland ka pësuar humbjen e katërt radhazi dhe kjo i zhyt në një krizë pavarësisht afrimeve të bujshme që bëri në fillim të sezonit. Le Bron përpiqet të evitojë humbjen duke dhenë 11 asist dhe 33 pikë, por nuk arriti të evitojë humbjen. Ndërsa Titullarët e Indianas kanë shënuar të gjithë nga 15 pikë duke treguar që kanë një lojë perfekte në grup. Përballja mbyll në 124-107 në favor të Indianën. Fiton edhe skuadra e Phoenix, që mundi 122-116 Washington, një ndeshje me rivalitet dhe emocione deri në fund. Beal realizoi 40 pikë për Washington, por që s’mjaftuan për të evituar humbjen, ndërkohë që po 40 pikë e 10 rebaund realizoi edhe Warren për Suns.
Miami korr fitoren e tretë sezonale, pas triumfit 107-101 ndaj Chicago, që pësoi disfatën e pestë. Diferencën në këtë sfidë e bënë lojtarët e stolit, që realizuan 45 pikë, ndërsa për Bulls nuk mjaftuan 47 pikët e dyshes Lopez-Markkanen. Në Perëndim vazhdon dominimi i ekipit të Houston, që mposhti 119-97 New York. Harden me 31 pikë ishte lider në fushë për teksanët, me 6 lojtarë që realizuan mbi 10 pikë. Pas kohës shtesë fiton ekipi i Utah Jazz, që mundi 112-103 Portland, me dyshen Rubio-Mitchell që së bashku realizuan 58 pikë. Një ndeshje spektakolare ishte edhe ajo që nxori fitues Denver, që mundi 129-111 Toronto, me Murray që realizoi 24 pikë e Millsap 20.
REZULTATET E SOTME
Charlotte – Milwaukee, 126-121
Cleveland – Indiana, 107-124
Philadelphia – Atlanta, 119-109
Washington – Phoenix, 116-122
Boston – Sacramento, 113-86
Miami – Chicago, 97-91
Memphis – Orlando, 99-101
New Orleans – Minnesota, 98-104
New York – Houston, 97-119
Denver – Toronto, 129-111
Utah Jazz – Portland, 112-103
Clippers – Dallas, 119-98
