Magjia e basketbollit amerikan ka arritur në finalet e konferencave. Lindja dhe Perëndimi kanë nxjerrë nga dy skuadra që po diskutojnë finalet respektive.
Los Anxheles Klipers – Finiks Sans (Perëndim)
Atlanta Hoks – Miluoki Baks (Lindja)
Për momentin, në Perëndim, Sansat e kanë avantazhin 2-0 me baza pasi dhe në raundet e mëparshme janë kualifikuar pa shumë peripeci.
Tani seria e ndeshjeve shkon në Los Anxheles dhe kombinuar kjo me rezultatin ku Klipersat janë në dizavantazh 2-0, nëse nuk e japin tani përpjekjen e tyre më të mirë, mund të thuhet se janë të pafuqishëm përballë djemve nga Finiksi.
Nga ana tjetër, “fajkojtë” e Atlantës fituan ngushtë me vetëm 1 pikë duke marrë në dorë serinë megjithëse ka ende shumë për t’u luajtur pasi vetëm 1/7 ndeshje me 1 pikë diferencë nuk e prishin barazpeshën. Për Miluokin duket se kjo mund të jetë mundësia e fundit për grekun Xhanis Antetekompu ti sjellë trofeun Baksave./ Tirana Today
