Zyrtarët e NBA-s të premten i kanë dërguar një njoftim klubeve e basketbollit, ku paralajmëruan lojtarët se duhet të qëndrojë në këmbë në momentin që intonohet himnin kombëtar amerikan.
Në urdhrin e nënshkruar nga nënpresidenti i NBA-s, Mark Tatum thekson se “nuk do të ketë përjashtime”, shkruan ESPN.
“Asnjë ekip nuk mund të përjashtohet nga ky rregull”, tha Tatum, duke shtuar se “Liga u ka dërguar rregulloren se si duhet të qëndrojnë lojtarët, trajnerët apo anëtarët e stafit të ekipit, si dhe pasojat nëse nuk i respektojnë ato në momentin që intonohet himni ynë”.
Ky paralajmërim erdhi 24 orë pasi që lojtarët e futbollit amerikan (NFL) u gjunjëzuan gjatë intonimit të himnit në shenjë proteste kundër presidentit amerikan, Donald Trump.
Ky i fundit e ka dënuar këtë veprim të futbollistëve duke paralajmëruar se do të merren masa ndaj NFL-it nëse përsëritet e njëjta gjë ndërsa lojtarët po protestojnë kundër padrejtësisë, diskriminimit dhe thirrjeve racore në Shtetet e Bashkuara.
Theksojmë se sondazhet e opinionit kanë treguar se shumica e amerikanëve nuk e përkrahin këtë lloj proteste të futbollistëve, por nuk e mbështesin as mënyrën se si Trump është duke u përpjekur për të zgjidhur pakënaqësitë mes tij dhe sportistëve.
