Trupat ushtarake amerikane dhe ato rumune kanë arritur në bazën e Polonisë, si pjesë e grupit të ri luftarak të NATO-s, me qëllim frenimin e kërcënimeve të Rusisë.
Kjo lëvizje vjen pas vendosjes së automjeteve luftarake gjermane në fund të muajit mars.
Rusia, nga ana tjetër, ka shprehur shqetësimin për vendosjen e 4 mijë trupave në vendet baltike, si: Poloni, Letoni, Estoni dhe Lituani.
Vendimi i NATO-s erdhi pasi presidenti rus, Putin, urdhëroi zhvendosjen e sistemeve raketore dhe trupave në Kaliningradin që ndan kufijtë me Poloninë dhe Lituaninë.
Madje, sipas një raporti të shërbimeve sekrete lituaneze, Rusia ka zhvilluar aftësinë për të ndërmarrë një sulm mbi shtetet balltike, brenda 24 orëve, duke kufizuar mundësinë e NATO-s për kundërveprim, nëse nuk i ka, ndërkohë, forcat e saj ushtarake të dislokuara në rajon.
