Sekretari i përgjithshëm i NATO-s, Jens Stoltenberg ka bërë të ditur të premten se Aleanca Veri-Atlantike mbështet të gjitha përpjekjet ndërkombëtare, me qëllim arritjen e paqes dhe zgjidhjes politike në Siri.
Ai tha se regjimi sirian bart përgjegjësinë e plotë për sulmin me gaz helmues në Shayrat, në të cilin humbën jetën mbi 80 persona dhe se NATO dënon përdorimin e vazhdueshëm të armëve kimike nga ana e Sirisë, si shkelje e rëndë të normave dhe marrëveshjeve ndërkombëtare.
“Çfarëdo përdorimi i armëve kimike është i papranueshëm dhe nuk mund të kalojë pa përgjigje, dhe fajtorët duhet të përgjigjen për këtë. NATO konsideron se përdorimi i armëve kimike është kërcënim për paqen dhe sigurinë ndërkombëtare. NATO mbështet të gjitha përpjekjet ndërkombëtare, synim i të cilave është arritja e paqes dhe zgjidhja politike në Siri”, thuhet në kumtesën e sekretarit të përgjithshëm të NATO-s.
