Natën e 30 qershorit 1934, Adolf Hitleri drejtoi operacionin blic që hyri në histori si “Nata e Thikave të Gjata”. Një operacion shumë i përgjakshëm kundër kundërshtarëve të brendshëm të partisë naziste. Vite më parë, Fyhrer kishte dërguar tashmë një sinjal të errët:“Ngjarjet e mëdha historike shoqërohen gjithmonë me veprime të mjerueshme.”
Atë natë Fyheri zhduku çdo pengesë për konfirmimin e pushtetit të tij absolut. Edhe sot, “Nata e Thikave të Gjata”, kujtohet si një operacion “i vogël” që e tmerron botën e civilizuar. Por ai ka gjithsesi aromën e veprimit politik të shkathët dhe të kujdesshëm, që mund të inskenohet vetëm nga një mendje e ligë.
Protagonistët e asaj ngjarje janë Hitleri dhe gjenerali i SA (Njësitë Sulmuese) Ernst Rom.
Të dy u takuan për herë të parë në Mynih pak muaj pasi kishte mbaruar Lufta e Parë Botërore. Pas Luftës së Madhe, Gjermania u mund. Kishte shumë ushtarakë që ndiheshin të lënë pas dore me ëndrrat për lavdi që u ishin shkatërruar.
Hitleri, ish-kaporal austriak me një elokuencë të jashtëzakonshme, merr shtetësinë gjermane. Nga ana tjetër, Rom, vë me krenari në dukje plagët e tij të marra në luftë. Rom që i përçmonte gjithnjë komunistët anëtarësohet me Partinë e Punëtorëve Gjermanë, një grup politik i ekstremit të djathtë.
Këtu nisin të krijohen njësitë paramilitare. Këto trupa ushtarake por edhe vullnetarë, angazhohen për të parandaluar shpërthimin e një revolucioni komunist në Gjermani. Rom merr pjesë aktivisht në sulmet e organizuara nga këto trupa. Nga ana tjetër, ai është një njeri i farkëtuar në llogoret e luftës.
Nga ana tjetër, Adolf Hitleri bëri një jetë të vështirë në vitet e para të pas luftës. Por tek ai maturohet një urrejtje e pamëshirshme ndaj të majtëve, hebrenjve dhe industrialistëve të mëdhenj, që sipas tij e kishin shkatërruar Gjermaninë.
Gjenerali Rom e pëlqen që në fillim Hitlerin. Harmonia midis të dyve është e menjëhershme. Fyhreri përfitoi nga miqësia me Rom, duke nisur ngjitjen e tij të shpejtë në hierarkinë e Partisë Nacional Socialiste. Hitleri merr kontrollin e partisë në bastionin e saj bavarez.
Ai dëshiron të përmbysë rendin demokratik, dhe koha është në favor të tij. Udhëheqësi nazist nuk dëshiron të ndalet, ai synon afirmimin absolut të rolit të tij në parti dhe mbarë Gjermaninë. Në nëntorin e vitit 1923, ai tentoi të ashtuquajturin “Puçi i Mynihut”:Një grusht shteti kundër qeverisë rajonale bavareze.
Por dështoi keqazi, dhe që nga ajo ditë e ndryshoi strategjinë e tij. E vetmja mënyrë për të hyrë në botën e udhëheqësve më të rëndësishëm të Gjermanisë është të mësohet se si të lëvizet nëpër institucione në kërkim të aleancave. Hitleri duhej të fitonte konsensusin e shoqërisë gjermane.
Balancat e brendshme në parti nisën të lëkunden. Midis Rom dhe Hitlerit nisën tensionet dhe pakënaqësia. Hitleri pretendonte kontrollin e plotë të partisë, dhe kërkonte një “revolucion ligjor” për të ndaluar të gjitha format e demokracisë. Nga ana tjetër, Rom ishte haptazi kundër dëshirave të Fyhrerit.
Por ajo që i ndante më shumë dy nazistët ishte roli i SA:për Hitlerin milicia duhej të ishte në shërbim të partisë. Por Rom mendonte se ajo duhej të ishte plotësisht autonome. Konflikti ishte shumë i ashpër, dhe në vitin 1925 gjenerali dha dorëheqjen dhe u largua për disa kohë nga Gjermania.
Hitleri dëshironte ta vinte SA në gatishmëri të synimeve të tij. Megjithatë ai nuk e dinte se ushtarët e njësive sulmuese ishin të trajnuara shumë mirë, por nga ana tjetër ishin rezistentë ndaj çdo lloj disipline. Në vitin 1930, ato i vunë zjarrin selisë qendrore të partisë.
Në ato kushte Hitleri u detyrua të thërrasë Rom, dhe t’i ofrojë atij kreu e shtabit të përgjithshëm. Më 30 janar 1933, Fyhreri u zgjodh kancelar i vendit. Por kjo nuk mjaftoi. Pas disa muajsh ai arriti të marrë kompetencat e plota për të votuar dhe nxjerrë jashtë ligjit të gjitha partitë e majta dhe sindikatat.
Ai vendosi ndëshkimin e ashpër të çdo forme të kundërshtimit të nazizmit. Jo vetëm kaq, por shumë shpejt Hitleri paraqit në parlament një ligj që e njeh Partinë Naziste si partinë e vetme në vend. Hitleri ishte i vetëm dhe nuk kishte më kundërshtarë.
I pamëshirshëm dhe ambicioz, ai dominoi mbi të gjithë Gjermaninë. Por Rom nuk ishte dakord. Ai nuk e pranon Hitlerin si udhëheqësin e vetëm dhe të padiskutueshëm të Gjermanisë. Gjenerali së bashku me trupën e SA, i sfiduan udhëheqësit tradicionalë dhe bënë thirrje për një valë të dytë revolucionare.
Udhëheqësi nazist e dinte shumë mirë që SA ishte si një gjemb në këmbë. Ndaj ai nuk dëshironte të humbiste më kohë. Me besnikët e tij vendosi të marrë masa drastike kundër armiqve të jashtëm dhe të brendshëm. Ai shoqëroi veprimet e tij politike me një propagandë të fortë naziste.
I sigurt për pëlqimin e heshtur të gjermanëve, të ushtrisë dhe mbështetjes së kryeqytetasve, Fyhrerit i duhet të eleminojë kërcënimin e Rom dhe ndjekësve të tij. Mbrëmjen e 30 qershorit 1934, Hitleri dhe njerëzit e SS sulmuan hotelin Hanselbauer në Bavari.
Udhëheqësi nazist ngjiti me shpejtësi shkallët dhe mbërriti në dhomën e gjeneralit Rom.
Ai hapi derën dhe bërtiti:“Dilni jashtë! Unë ju arrestoj për tradhti të lartë!”. Njerëzit e Hitlerit arrestuan dhe vranë anëtarët e stafit të SA. Nata e Thikave të Gjata:Një kasaphanë 3-ditore, që nga Bavaria u shtri në Berlin dhe në qytete të tjera në Gjermanisë.
burimi: https://www.periodicodaily.com/il-fuhrer-contro-tutti-la-notte-dei-lunghi-coltelli
Përshtatur për Tirana Today
