Ashtu sikurse pritej, Rafael Nadal e Roger Federer do të luajnë përballë njëri-tjetrit në finalen e turneut Masters të Shangait. Dy tenistët, që dy javë më parë ishin për herë të parë shokë skuadre në turneun e “Laver Cup”, rikthehen të luajnë përballë njëri-tjetrit, në një ndeshje ku nuk ka favoritë, ku përballen numrat 1 dhe 2 në botë.
Ishte Nadal ai që preu i pari një biletë për në finale, pas fitores 2-0 (7-5, 7-6) ndaj kroatit Marin Cilic, një ndeshje me rivalitet dhe emocione në të dyja setet, të vendosura në pikët shtesë. Cilic dha maksimumin në fushë dhe u përpoq të ndalte numrin 1 në botë, por pa sukses edhe pse udhëhiqte 5-4 në setin e parë. Nadal rikuperoi e fitoi 7-5 setin e parë, ndërsa në të dytin gjithçka u vendos në “tie break”, me spanjollin që fitoi 7-6. Për Nadal ky është suksesi i 65-të sezonal, finalja e dhjetë që arrin këtë vit (6 finale të fituara e 3 të humbura) dhe është në kërkim të trofeut të 76-të në karrierë.
/cdn.vox-cdn.com/uploads/chorus_image/image/55598167/809847108.0.jpg)
Akoma dhe më e vështirë fitorja e Roger Federer, që fitoi me përmbysje 2-1 ndaj argjentinasit Juan Martin Del Potro, në një ndeshje që zgjati dy orë. Edhe pse amerikano-latini fitoi 6-3 setin e parë, duke e dominuar ndeshjen, Federer nuk tërhiqet dhe arrin të fitojë po 6-3 dy setet e tjera, duke treguar një lojë në rritje dhe në fund e meritoi fitoren e kualifikimin në finale. Për zvcieranin kjo është një hakmarrje për humbjen që pësoi dy muaj më parë në grand slemin e US Open. Federer i ka fituar tri përballjet e zhvilluara këtë vit ndaj Nadal, përfshi edhe dy finale.
