Mbi 50 artistë do të performojnë sot, në Pazarin e Ri të Tiranës, për t’i dhënë një tjetër atmosferë kësaj hapësire.
Kështu, duke filluar që nga ora 18:00, qytetarët do të mund të ndjekin artistët, teksa performojnë muzikë qytetare dhe jazz.
Njoftimin e ka dhënë kryetari i Bashkisë së Tiranës, Erion Veliaj, ndërsa fton të gjithë qytetarët që të kalojnë një pasdite ndryshe.
“Merr familjen/miqtë dhe bashkohu me dritat N’pazar. Mbi 50 artistë, shumë muzikë, artizanë, sport, cirk, teatër dhe shumë e shumë energji pozitive”, shkruan ndër të tjera Veliaj, në Facebook.
Të rinjtë do të ndjekin grupe të ndryshme, teksa luajnë Funky, apo Hip-Hop, si dhe do organizohet panairi i artizanatit, që synon të mbështesë dhe të nxisë artizanët, në ruajtjen e vlerave tradicionale.
Ndërkaq, për të vegjëlit do të ketë numra cirku dhe aktivitete sportive.
