Arseanl ka arritur të fitojë me rezultatin 2-0 derbin më të zjarrtë të Londrës, përballë Tottenham. Me shumë fat djemtë e Arsen Venger kanë arritur të shënojnë dy gola të shpejtë në fundin e pjesës së parë me autorë Mustafin dhe Sanchez. Të dy këta gola ishin në pozicion të dyshimtë, por nuk mund të mohohet fitorja e merituar për “topçinjtë”.
Mustafi rikthehet nga një dëmtim dhe bën në mënyrën më ë mirë të mundshme, ndërsa Sanchez arrin shënojë një gol me mjaft vlerë, kur është në qendër të kritikave sa i përket rinovimit të kontratës. Tottenham i Pochettinos vinte nga një formë e shkëlqyer, por pushimet dy javore duket se nuk kanë ndikuar mirë në grupin e tij.
Të dy ekipet vendosën të zbresin në fushë me të njëjtin formacion 3-4-3 dhe në pjesën e parë nuk kishte asnjë rast të rrezikshëm, deri në minutën e 36’ ku Mustafi zhbllokon rezultatin, ndërsa 5 minuta më vonë është kiliani Alexis Sanchez që dyfishon rezultatin. Pjesa e dytë ishte mjaft e luftuar por që nuk bëri ndryshim në rezultatin ndeshjes. Pas kësaj fitoreje Arsenal mbanë vendin e pestë me pikë të barabarta me Chelsean dhe një pikë më pak se Tottenham që mban vendin e tretë me 23 pikë.
