Kryeministri i Kosovës, Isa Mustafa, është takuar me presidentin e Partive Popullore Evropiane, Joseph Daul, me të cilin bisedoi për perspektivën evropiane të Kosovës, me theks të veçantë liberalizimin e vizave. Por duket se edhe pas këtij takimi, Mustafa nuk ka arritur të ketë rezultat për propozimin e tij, edhe në takimin me Kryetarin e PPE-së.
Joseph Daul tha se Kosova duhet t’i përfundojë proceset që mundësojnë lëvizjen e lirë.
“Unë përsërita edhe një herë mbështetjen e PPE-së për liberalizimin e vizave për qytetarët e Kosovës. Qeveria Mustafa tashmë ka bërë një punë të mrekullueshme në këtë rrugë të rëndësishme dhe i uroj atij dhe popullit të tij të gjitha të mirat, që së shpejti ta përfundojnë këtë proces dhe të jenë në gjendje të udhëtojnë më lehtë nëpër Evropë. Do të jetë një hap i madh për rrugën e tyre evropiane!
Për më tepër ne biseduam edhe për rajonin e Ballkanit Perëndimor, rëndësinë për të siguruar stabilitet dhe marrëdhënie të mira fqinjësore” është shprehur kryetari i PPE-së, Daul, pas këtij takimi me kryetarin e LDK-së, Isa Mustafa
