Në seancën e planifikuar për çështjen në fjalë, ku ishte i përfshirë edhe Altin Ndoci, Drejtoria e Përgjithshme e Burgjeve ka njoftuar gjykatën se i paraburgosuri nuk është shoqëruar drejt GJKKO-së. Si shkak, Drejtoria e Burgjeve ka informuar se Altin Ndoci është arratisur dhe aktualisht ndodhet në kërkim nga Policia e Shtetit.
Avokati i Ndocit i është drejtuar gjykatës me kërkesën që kjo e fundit t’i drejtohet Policisë së Shtetit për të njoftuar të pandehurin, duke theksuar se ai mund të ndodhet edhe në banesën e tij.
Nga ana tjetër, Prokuroria ka deklaruar se në momentin kur ka marrë informacionin se Altin Ndoci ishte arratisur, i ka kërkuar Policisë së Shtetit të paraqesë rezultatet e deritanishme lidhur me veprimet e ndërmarra për kërkimin e tij.
