Komuna e Preshevës është duke kaluar një verë me temperatura ekstreme të larta të kombinuara me mungesë të ujit të pijshëm. Pushteti lokal në largim në krye me kryetaren Ardita Sinani (PVD) ka prolonguar projektin për rigjenerimin e pesë bunarëve dhe instalimin e aparaturës në lokacionin Zhunicë të mbështetur nga Ambasada Japoneze dhe UNDP të inicuar vitin e kaluar nga pushteti i mëparshëm.
Çdo pushtet i mirëfilltë gjendjen katastrofale në të cilën gjendet Komuna e Preshevës do ta shpallte si një situatë të jashtëzakonshme ku do të mirreshin vendime për aksione të menjëhershme për zbutjen e gjendjes katastrofale.
Ndërsa pushteti lokal ka zgjedhur propagandën si metodë dhe vegël për të asgjësuar këtë gjendje kaotike duke shpallur mungesen e ujit të pijshëm si të kaluar përmes pamfletave propagandistike në rrjetet sociale dhe portale të kontrolluara nga pushteti.
Hapja e bunarëve në oborret e institucioneve si në Shtëpinë e Shendetit dhe Shkollën e Mesme pasqyron qartë disfatën totale të pushetit ndaj këtij problemi jetik. Meqë ky aksion tregon qartë se vetë pushteti lokal nuk beson në përmisimin e gjendjes katastrofale në formën e «institucionalizuar» përmes projekteve në gjithë komunën e Preshevës. Ky «aksion» fton qytetarët të gjejnë mëshirë dhe zgjidhje të problemit me mundësi vetanake, pasi Komuna nuk beson në përmisimin e gjendjes së jashtëzakonshme.
Zhvatja dekadore e sferave të rëndësishme dhe përqëndrimi në projekte klienteliste të sukseshme në mbledhjen e votave për pushtetin lokal, ka shfaqur qartë se Presheva është buzë katastrofës shoqërore dhe dështimit totalitar si Komunë.
Ndërmarrja publike «Moravica» e cila mban kompetenca dhe përgjegjësi ndaj sferave të rëndësishme jetike, është «përdhunosur» dhe keqmenaxhuar me dekada të tëra nga pushteti lokal duke trajtuar këtë institucion të «klasës së tretë» dhe ndaluar/vonuar mjetet finansiare.
Meqë me «Moravicën» përgjegjëse për rrjetin e ujit, mirëmbajten e pastërtisë në qytet si dhe hapjen e rrugeve nga bora në stinen e dimrit; janë këto shërbime që paraqesin themelin e shërbimeve të një komune moderne të civilizuar.
Gjendja kaotike në mungesë të ujit të pijshëm në Komunën e Preshevës ka shfaqur edhe probleme sistematike tek «Moravica» pasi aty janë të koncentruara «uji» dhe «mbeturinat» sferat më komplikative në adminstratën lokale. Për menaxhimin e këtyre sferave nuk mjafton vetëm entuziast dhe administrator të mirë, por si në rastin e «ujit» nevojitet një teknokrat i cili është i dashuruar pas detajeve pa e humbur horizontin në një periudhë të gjatë kohore. Kjo herët a vonë do të detyroj administratën lokale të ndajë kompetencat dhe përgjegjësit lidhur me ujin e pijshem, menaxhimin e mbeturinave si dhe mirëmbajten e rrugëve gjegjësisht parqeve publike (këto të fundit ende mungojn).
Deri atëherë qytetarëve të Komunës së Preshevës si mbetet diç tjetër, përpos argëtimit në internet me «Preshevën që po bëhet»./Presheva/
