Rezultatet e fundit të sondazhit republikan tregojnë një mbështetje të madhe për kryeministrin Edi Rama, ndërsa Sali Berisha ka arritur vetëm 15% të votave.
Analisti Roland Lami e cilësoi këtë situatë si një vetëvrasje politike të Partisë Demokratike. Ai krahasoi gjendjen aktuale të partisë me atë të vitit 2005, kur PD arriti të unifikonte figurat kryesore dhe të fitonte pushtetin.
Sot, sipas tij, partia është më e përçarë se kurrë, me konflikte të hapura për drejtimin dhe mungesë mbështetjeje ndërkombëtare. ‘Ndryshe nga viti 2005, kur PD kishte një program të qartë dhe një lidership relativisht të pastër, tani fokusohet në mbrojtje nga akuzat dhe përplasje të brendshme’, tha Lami.
Lami theksoi se mungesa e një vizioni të qartë dhe përqendrimi në konflikte të brendshme kanë larguar votuesit, duke e çuar partinë drejt një krize të thellë politike.
“ Së pari, nuk është sondazhi i parë por janë disa sondazhe që fotografojnë në kohë të caktuar sesi janë pozitat e liderave dhe evidente është në të gjitha që PD është shumë larg mundësisë për të marrë pushtetin. Së dyti, demokratët duhet të kuptojnë që zgjedhjet e 2023 kur u fut PD në garë ishte një lloj indikatori për të kuptuar trendin në elektorat. Tani është më e qartë që lufta për kogo, godinë dhe vulë nuk është betejë më që sjell votues. Por u ka humbur beteja kryesore sesi mund te fitohen votuesit.
Unë do thoja ne qofte se 2005 merret si një moment që pd ka sibërë veten, sopt jo vetëm që nuk e bën dot por rikujton eksperiencat më të keqe. Në 2005 mblodhi të tëra figurat, tani është më e përcarë se kurrë. Sot është e nadrë se kurrë. Së treti, në 2005 ishte me duar të pastra dhe lidershipi ishte shumë pak i korruptuar. Sot e ke non grata dhe në hetim nga SPAK. PD kishte një mbështetje nga ndërkombëtaret, sot nuk vjen asnjë ndërkombëtar në zyrat e PD, asnjë zyrtar i rëndësishëm.
Në 2005 kishte një program me disa teza, sot thotë konservatore por është më populiste. E fundit është cështja me programin, në 2005 harxhoi shumë energji për të shpjeguar programin e saj,. Sot gjithë bateria e PD shpenzon sesi të mbrohet dhe sesi të përbaltë SPAK. PD për mua po shkon drejt një vetëvrasje politike.” , tha Lami.
