“Herën e parë ka ndodhur kur isha në Bankok, në Tajlandë dhe shitja ndeshjen time për 600 euro. Më pas, kjo gjë u kthye në ves për mua”. Mick Lescure, tenisti francez ka rrëfyer sot gjithçka në lidhje me trukimet që ai ka bërë në këtë sport. 25-vjeçari renditet i 40-ti në vendin e tij dhe i 487 në botë.
Mick Lescure confessa Ha venduto oltre 30 match https://t.co/BYfS3K0YPG #tennis
— Tennis 24News 🎾 (@tennisitaly) January 18, 2019
Ai përfundoi shumë shpejt në shënjestrën e hetuesve dhe të martën në mëngjes përfundoi në pranga. Tenisti ka pranuar gjithçka në lidhje me shitjet e ndeshjeve para hetuesveër 48 orë me radhë kanë marrë të gjithë informacionin e nevojshëm. Nga viti 2015, ai ka trukuar rreth 30 ndeshje, duke favorizuar bastet klandestine, nga të cilat ka fituar rreth 30 mijë euro.
E përditshmja “L’Equipe” ka publikuar shumë detaje në lidhje me këtë çështje. Në vitin 2015, tenisti francez Lescure është takuar me “mjeshtrin”, 28-vjeçarin armen Grigor Sargsyan (me pasaportë belge). Pas atij takimi ka ardhur trukimi i parë, në Tajlandë, ku u mund nga një tjetër tenist francez për vetëm 600 euro. Më pas, ai ka trukuar ndeshje në Greqi, Spanjë, Santo Domingo e Bahrein, ndërsa në Francë ka bërë shpesh ndërmjetësin.
