Mposhti Dortmundin, Klopp kërkon shqiptarin tek Liverpool

Pas një sezoni perfekt tek Salzburgu, mesfushori me origjinë shqiptare ka përfunduar nën lupën e Liverpool. Falë golave të Valon Berishës, ekipi ndodhet në çerekfinalet e Europa League dhe shanset janë për të vazhduar edhe më tej. Të mos harrojmë atë performancë fantastike përballë Dortmund të cilën e eliminuan, ku lojtari që luan për përfaqësuesen e Kosovës shënoi dhe gol.

Të gjitha këto suksese kanë ardhur gjithashtu falë golave dhe nivelit të lartë që ka treguar edhe Valon Berisha. Sipas asaj që raporton “SPOX”, Klop kërkon që të transferojë mesfushorin 25-vjeçar gjatë merkatos së verës. Klubi anglez kishte dërguar disa emisarë për të parë Berishën në ndeshjen ndaj Dortmundit, ndërsa kontaktet me agjentin e futbollistit janë drejt përfundimit.