Diferenca mes diagnostikimit në kohë dhe me vonesë të kancerit të prostatës qëndron mes jetës dhe vdekjes. Nëse ky tumor zbulohet herët, 98% e pacientëve kanë shanse për të jetuar më shumë se 5 vjet. Nëse ky tumor kapet me vonesë vetëm 26% e pacientëve mund të jetojnë mbi 5 vjet.
Nisur nga këto shifra, Spitali Amerikan i bashkohet thirrjes globale për nismën më të re e kreative për sensibilizimin në luftën kundër kancerit të prostatës. Te bashkohesh në “Movember” ne çdo vend të botës, do të thotë të ndihmosh meshkujt të mos vdesin nga kjo sëmundje, të trajtohen e të jetojnë sa më gjatë. Gjithashtu do të thotë të japësh kontributin tënd që të rritet sensibilizimi për të kryer ekzaminimet .
Spitali Amerikan vë në dispozicion të të gjithë meshkujve paketën e re të diagnostikimit e cila përmban ekzaminimet bazë të cilat duhen për të evidentuar tumorin e prostatës.
Kjo paketë me vlerë 5500 lekë përfshin :
Vizitën te urologu,
Grafi të traktit urinar,
Ekografi,
Free/Total PSA,
Uroflow
Mjekët ngrenë alarmin se jo të gjithë personat që preken nga kanceri i prostatës shfaqin simptoma, ndaj meshkujt mbi moshën 50 vjeç duhet të bëjnë të paktën njëherë në vit egzaminimet bazë. Ndërkohë që në moshën 45 vjeç duhet t’i nisin këto egzaminime personat që kanë patur një histori familjare me tumor të prostatës.
Simptomat :
Urinim i shpeshtë dhe vështirësi në urinim
Urinim me gjak
Probleme me ereksionin dhe ejakulimin
Dhimbje në kofshë , në fundshpinë
“Movember” nisma globale për shëndetin e burrave, do të zhvillojë një sërë aktivitetesh që kanë impakt mbi shëndetin kryesisht sportive, duke bërë bashkë gra dhe burra nën sloganet sensibilizuese.
